Parwardigar-e-behr-o-bar

Parwardigar-e-behr-o-bar, Parwardigar-e-behr-o-bar
aye Malik-e-jin-o-bashar, ta’bey Tere shams-o-qamar
her shaye Tere zer-e-asar, Parwardigar-e-behr-o-bar

Ma’bood Tou hi bilyakeen, Tere siwa koi nahi
kya asman or kya zameen, kham hai jahan sab ki jabeen
bas aik Tera astaan, bas aik Tera sang-e-dar
bas aik Tera sang-e-der, Parwardigar-e-behr-o-bar

woh taa’iran-e-khush’nawa , woh leh’lahatey sabza-zar
woh zarra-e-nacheez ho, ya kohsaron ki qataar
tasbih hi kartey hain Teri, sab bey-hisab-o-beshumar
ghafil hain ham insan mager, Parwardigar-e-behr-o-bar

Tou Wahid-o-Barhaq bhi hai, Tou Qadir-e-Mutlaq bhi hai
Ya Rab ba-haq-e-Mustafa(SAWW), Tou bakhsh dey, apni khata
iss millat-e-mazloom ko, iss ummat-e-marhoom ko
dey zindagi, kar zinda-tar, Parwardigar-e-behr-o-bar

hain waqt k kharon main ham, aafaat key gharon main ham
lagti hain apni boliyan, ruswa hain bazaron main ham
be-shak sare-e-fehrist hain, Tere gunah-garon main ham
phir bhi hai yeh Qur’an main, yani Tere Farmaan main
La Takna Tu, La Takna Tu, Sattar Tou, Ghaffar Tou
pehchan hai rehmat Teri, hai shan Teri darguzar
hai shan Teri darguzar, Parwardigar-e-behr-o-bar

detey hain Tujh ko wasta, ham Sahib-e-Meraj ka
sare zamaney hain Terey, sare khazaney hain Terey
Tou waqt ki raftar ko, ik bar phir sey mor dey
ham aasiyon key hath mai, ghairon ka jo kashkol hai
qudrat se apni tor dey, aye Raziq-e-shah-o-gada
aye Khaliq-e-sham-o-seher, Parwardigar-e-behr-o-bar

phir samney fir’on hai, khoon rang hai darya-e-neel
phir aatish-e-namrood ki, zad main hai awlad-e-Khaleel
fitna-garon ki chal se, wakif hai Tou Rab-e-Jaleel
phir sey ababilon ko bhej, phir aag ko gulzar ker
phir aag ko gulzaar ker, Parwardigar-e-behr-o-bar

ik hashr hai charon taraf, dushman kharey hain saf-ba-saf
kya but-paraston sey gila, apney bhi hain khanjar ba-kaf
Musa(AA)-o-Eisa(AA) key Khuda , Islam hai sab ka hadaf
ehsas dey tofeeq dey, phir jazba-e-Siddique(RA) dey
phir se koi Khaiber-Shikan(RA), phir bhej dey koi Umer(RA)
phir bhej de koi Umer(RA), Parwardigar-e-behr-o-bar

(Aameen)

About these ads
This entry was posted in Islam, Poetry and tagged , , , , , , , , , , . Bookmark the permalink.

6 Responses to Parwardigar-e-behr-o-bar

  1. Haris Gulzar says:

    A great great share brother Raheel. Jazakallah.

    hain waqt k kharon main ham, aafaat key gharon main ham
    lagti hain apni boliyan, ruswa hain bazaron main ham
    be-shak sare-e-fehrist hain, Tere gunah-garon main ham
    phir bhi hai yeh Qur’an main, yani Tere Farmaan main
    La Takna Tu, La Takna Tu, Sattar Tou, Ghaffar Tou
    pehchan hai rehmat Teri, hai shan Teri darguzar
    hai shan Teri darguzar, Parwardigar-e-behr-o-bar

    So true! May Allah guide us to sirat-e-mustaqeem. Ameen

  2. Loved the tarif Allah gafoor and kareem

  3. Munazza says:

    Its a Heart touching Hamd.

  4. Asim says:

    i always cry when i heard this hamd alone………

  5. shuja says:

    its reallY heart touching SUBHANALLAH

  6. Waqas Ali Rao says:

    LOVE ALLAH HE NEVER DECEIVE HE NEVER LET U ALONE HE GIVE U WHEN U NEED EVEN WHEN U DONT NEED .. HE IS ONLY TO WHOM WE CAN GET EVERYTHING WE WANT WE DESIRE ….. ALLAH SHOW US RIGHT PATH TO LIVE THE LIFE TO EARN FOR JANNAT UL FIRDOS AMEEN

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s